ឯកឧត្តម គង់ សោភ័ណ្ឌ អភិបាលខេត្តកណ្តាលបានដឹក​នាំ​គណៈ​ប្រតិភូសាខាកាកបាទក្រហមកម្ពុជា ចូល​រួម​គោរព​វិញ្ញាណក្ខន្ធ លោកជំទាវ ប៊ុន សុថា ហៅ ប៊ុន សាមហ៊ឹម .!

(កណ្តាល)៖ នាវេលាព្រឹក ថ្ងៃអាទិត្យ ទី៥ ខែកុម្ភៈ  ឆ្នាំ២០២៣នេះ ឯកឧត្តម  គង់  សោភ័ណ្ឌ  អភិបាលនៃគណៈអភិបាលខេត្តកណ្តាលបានដឹក​នាំ​គណៈ​ប្រតិភូសាខាកាកបាទក្រហមកម្ពុជាខេត្តកណ្តាល ចូល​រួម​គោរព​វិញ្ញាណក្ខន្ធ លោកជំទាវ ប៊ុន សុថា ហៅ ប៊ុន សាមហ៊ឹម  ដែល​បាន​ទទួល​មរណភាព​ កាលពីថ្ងៃទី០៣ ខែ​កុម្ភ: ឆ្នាំ​២០២៣ ដែលត្រូវជាភរិយារបស់ ឯកឧត្តម តាន់ បញ្ញាវុធ។

ក្នុងមរណទុក្ខដ៏ក្រៀមក្រំក្តុកក្តួលបំផុតនេះ យើងខ្ញុំទាំងអស់គ្នា សូមលើកហត្ថប្រណមឧទិ្ទសបួងសួងដល់​គុណបុណ្យ​ព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមប្រោសព្រំដួងវិញ្ញាណក្ខន្ធ លោកជំទាវ  ឆាប់បានទៅកាន់សុគតិភពកុំបីឃ្លៀងឃ្លាតឡើយ៕