ជនសង្ស័យម្នាក់ត្រូវបានកម្លាំងជំនាញនៃស្នងការដ្ឋាននគរបាលរាជធានីភ្នំពេញ ឃាត់ខ្លួននៅចំណុចផ្សារសាំហាន់ សង្កាត់ទួលសង្កែទី១ ខណ្ឌឫស្សីកែវ បន្ទាប់ពីបាញ់តដៃជាមួយសមត្ថកិច្ចជាច្រើនគ្រាប់

 

ប្រតិបត្តិការនេះបញ្ជាដឹកនាំផ្ទាល់ដោយឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ ជនសង្ស័យខាងលើជាបក្ខពួកជាមួយជនសង្ស័យដែលផ្ទុះអាវុធបណ្តាលឱ្យយុវជនម្នាក់ រង//របួស នៅសង្កាត់ស្រះចក ខណ្ឌដូនពេញ នៅវេលាម៉ោង ១:៤០នាទីរំលងអធ្រាតឈានចូលថ្ងៃទី៧ ខែឧសភា ឆ្នាំ២០២៤ ។ដោយឡែកនៅយប់ថ្ងៃដដែលនេះផងដែរ ជនសង្ស័យម្នាក់ទៀតដែលជាជនដៃដល់បាញ់បង្កឲ្យ រង//របួស យុវជនម្នាក់នៅសង្កាត់ស្រះចក ខណ្ឌដូនពេញនោះ ក៏ត្រូវបានកម្លាំងនាយកដ្ឋាននគរបាលព្រហ្មទណ្ឌ សហការជាមួយអធិការដ្ឋាននគរបាលខណ្ឌដូនពេញ បង្រ្កាបចាប់ឃាត់ខ្លួនបានហើយផងដែរ នៅខណ្ឌចំការមន៕