សមាគមរាជសីហ៍សាខាខេត្តតាកែវ ចូលរួមកិច្ចប្រជុំស្តីពី កិច្ចសហការការងារសន្តិសុខ សុវត្តិភាព និងសណ្តាប់ធ្នាប់ សាធារណៈ

  សម្រាប់ដំណើរការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤។

នាថ្ងៃទី០៧ ខែឧសភា ឆ្នាំ២០២៤

លោក ឈឿន អុន លេខាធិការ តំណាងលោក ទេព វណ្ណហេង ប្រធានសមាគមរាជសីហ៍សាខាខេត្តតាកែវ បានចូលរួមកិច្ចប្រជុំស្តីពី កិច្ចសហការការងារសន្តិសុខ សុវត្តិភាព និងសណ្តាប់ធ្នាប់ សាធារណៈសម្រាប់ដំណើរការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ នៅគណៈកម្មការរៀបចំការបោះឆ្នោតខេត្តតាកែវ។

កិច្ចប្រជុំប្រព្រឹត្តទៅក្រោមអធិបតីភាពលោក ស៊ុត ខុន អភិបាលរងខេត្ត តំណាង ឯកឧត្តម អ៊ូច​ ភា អភិបាល នៃគណៈអភិបាលខេត្តតាកែវ​ និងលោក ស្រី ហែម បញ្ញា ប្រធាន ល.ខ.ប ខេត្តតាកែវ ដោយមានការចូលរួមពីតំណាងកងកម្លាំងទាំង៣ មន្ទីរអប់រំ មន្ទីរព័ត៌មាន រដ្ឋបាលក្រុង​ ស្រុក តំណាងគណបក្សនយោបាយ អង្គការ សមាគម និងអ្នកពាក់ព័ន្ធ។