សមត្ថកិច្ចដឹកទឹកចែកជូនពលរដ្ឋកំពុងជួបបញ្ហាខ្វះខាតទឹកចំនួន៨៩គ្រួសារនៅស្រុកអន្លង់វែង

 

កម្លាំងសមត្ថកិច្ចស្រុកអន្លង់វែង ខេត្តឧត្តរមានជ័យ នៅថ្ងៃទី២៤ ខែមេសា បានដឹកទឹកចែកជូនប្រជាពលរដ្ឋ ដែលកំពុងជួបបញ្ហាខ្វះខាតទឹកចំនួន ៨៩គ្រួសារ ស្មើនឹងមនុស្សសរុប៤១៥នាក់ នៅភូមិសាមគ្គី ឃុំត្រពាំងប្រីយ៍ ស្រុកអន្លង់វែង។ ក្នុងនោះបានចែកទឹកជូនពលរដ្ឋប្រើប្រាស់ចំនួន ៣ឡាន ស្មើនឹង ២១,០០០លីត្រ។

ការអន្តរាគមន៍ដឹកទឹកចែកជូនពលរដ្ឋនេះ បានធ្វើឡើងដោយមានការណែនាំពីលោក ខូវ លី ស្នងការនគរបាលខេត្តឧត្តរមានជ័យ និងលោក ស៊ូ នូវ អធិការនគរបាលស្រុកអន្លង់វែង បានដឹកនាំកម្លាំងចំនួន ១៥នាក់ រថយន្តដឹកទឹក១គ្រឿង ដោយមានកិច្ចសហការជាមួយកម្លាំងគណៈបញ្ជាការឯកភាពរដ្ឋបាលស្រុកអន្លង់វែង ដឹកនាំដោយលោក ងួន ទ្ធីរិទ្ធ អភិបាលស្រុកអន្លង់វែង៕