សមាគមរាជសសីហ៍សាខារាជធានីភ្នំពេញ នាំយកសារចូលរួមរំលែកទុក្ខ និងចូលបុណ្យគម្រប់៧ថ្ងៃសពលោក ស្រ៊ុន ទិត្យ សមាជិកចលនាអប់រំផ្សព្វផ្សាយនៃសមាគមរាជសីហ៍! ~ គេហទំព័រ សារព័ត៌មានខ្មែរ អុីប៊ុកញូស៍

ថ្ងៃទី២៥ ខែមករា ឆ្នាំ២០២៣

លោក សរ សំណាង ប្រធានសមាគមរាជសីហ៍សាខារាជធានីភ្នំពេញ និងសហការី បាននាំយកសារចូលរួមរំលែកទុក្ខរបស់ ឯកឧត្តម ស៊ូម សារឿន ប្រធានសមាគមរាជសីហ៍ ព្រមទាំងនាំបច្ច័យ អង្ករ និងភេសជ្ជៈចូលបុណ្យគម្រប់៧ថ្ងៃនៃសព មានដូចជា៖
-អង្ករចំនួន៥០គីឡូ
-ទឹកបរិសុទ្ធចំនួន០២កេស
-ទឹកផ្លែឈើចំនួន០២កេស
-បច្ច័យចំនួន១ ០០០ ០០០រៀល (មួយលានរៀលគត់) ។

តាងនាមឯកឧត្ដមប្រធាន និងក្នុងនាមសមាជិក សមាជិកា សមាគមរាជសីហ៍ លោកប្រធានសាខាសូមចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារនៃសព។

លោកស្រី ឆាយ នីតា ត្រូវជាភរិយានៃសពនិងកូនៗ សូមថ្លៃងអំណរគុណយ៉ាងជ្រាលជ្រៅបំផុតជូនចំពោះថ្នាក់ដឹកនាំសមាគមរាជសីហ៍ ដែលតែងតែគិតគូរពីសុខទុក្ខ ជួយសម្រួលការលំបាក និងនៅជាប់ជាមួយសមាជិកគ្រប់រូប។ សូមជូនពរថ្នាក់ដឹកនាំ និងសមាជិកសមាគមរាជសីហ៍ទាំងអស់មានសុខភាពល្អ ទទួលបានជោគជ័យគ្រប់ភារកិច្ច និងសូមបានប្រកបតែនឹងពុទ្ធពរទាំងបួនប្រកាគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ។