លោកបណ្ឌិត ហោ សេរីវឌ្ឍន៍ សមាជិកគណៈកម្មាធិការកណ្តាល និងជាប្រធានផ្នែកក្រៅប្រព័ន្ធ នៃយុវជនគណបក្សថ្នាក់កណ្តាល ចូលរួមសន្និបាតលើទី៤៥ អាណត្ដិទី៥ គណបក្សប្រជាជនកម្ពុជា

នៅវិមាន៧មករា នាព្រឹកថ្ងៃសៅរ៍ ១២រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមករា ឆ្នាំ២០២៥ លោបណ្ឌិត ហោ សេរីវឌ្ឍន៍ សមាជិកគណៈកម្មាធិការកណ្តាល និងជា ប្រធានផ្នែកក្រៅប្រព័ន្ធ នៃយុវជនគណបក្សថ្នាក់កណ្តាល បានអញ្ជើញចូលរួមពិធីសន្និបាតគណៈកម្មាធិការកណ្តាលលើកទី៤៥ អាណត្តិទី៥ របស់គណបក្សប្រជាជនកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចមហាពញាចក្រី ហេង សំរិន ប្រធានកិត្តិយស និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស ព្រមទាំងមានការអញ្ជើញចូលរួមពីសំណាក់សមាជិកគណបក្សសរុបចំនួន ៣៥៥៥ នាក់ ស្ថិតនៅក្នុង ខណ្ឌចំការមន រាជធានីភ្នំពេញ។

(សូមអានបន្ត)

លោកបណ្ឌិត ហោ សេរីវឌ្ឍន៍ ប្រធាន សម្ពន្ធសេដ្ឋកិច្ចក្រៅ អញ៣ចូលរួមសិក្ខាសាលាពិគ្រោះយោបល់ ដេីម្បីបង្កេីតក្របខណ្ឌពិនិត្យតាមដាន និងវាយតម្លៃយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ

 

នៅថ្ងៃទី១៣ ខែមករា ឆ្នាំ២០២៥ លោកបណ្ឌិត ហោ សេរីវឌ្ឍន៍ ប្រធានសម្ពន្ធសេដ្ឋកិច្ចក្រៅប្រព័ន្ធ និងជាសមាជិកគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានអញ្ជើញចូលរួមអញ្ជើញចូលរួមសិក្ខាសាលាពិគ្រោះយោបល់ ដើម្បីបង្កើតក្របខណ្ឌពិនិត្យតាមដាន និងវាយតម្លៃយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ ក្រោមអធិបតីភាព ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ នៅនៅសណ្ឋាគារសុខាភ្នំពេញ និងរ៉េស៊ីដង់។

សិក្ខាសាលានេះគឺគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានសហការជាមួយកម្មវិធីអភិវឌ្ឍន៍សហប្រជាជាតិ (UNDP) អង្គការអន្តរជាតិខាងការងារ (ILO) និងកម្មវិធី CAPRED របស់រដ្ឋាភិបាលអូស្រ្តាលី ដើម្បីបង្កើតក្របខណ្ឌពិនិត្យតាមដាន និងវាយតម្លៃយុទ្ធសាស្ត្រជាតិខាងលើ។

(សូមអានបន្ត)

ថង់ប្លាស្ទិករាប់តោន និងសំរាម ត្រូវបានគេបោះចោលយ៉ាងអាណាធិបតេយ្យ បំពុលបរិស្ថានទឹកទន្លេនៅកំពង់ទឹកឆ្នុកទ្រូ

 

មាត់កំពង់ទឹកឆ្នុកទ្រូ និងទឹកទន្លេក្នុងឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង បាន និងកំពុងត្រូវបានគេបោះចោលសំរាមយ៉ាងអាណាធិបតេយ្យ និងមានផ្ទះបណ្តែតទឹកជួសជុលម៉ាស៊ីន ផ្ទះលក់ប្រេងឥន្ទនៈកើតឡើងវិញ និងបានបំពុលបរិស្ថានទឹកទន្លេយ៉ាងធ្ងន់ធ្ងរ ធ្វើអោយប៉ះពាល់យ៉ាងខ្លាំងដល់សុខុមាលភាពប្រជាពលរដ្ឋប្រើប្រាស់ទឹកទន្លេ និងប៉ះពាល់ដល់ជីវចម្រុះក្នុងបាតទន្លេទៀតផង។ 

ក្រោយពីមានការរអ៊ូរទាំពីប្រជាពលរដ្ឋ និងភ្ញៀវទេសចរចេញចូលកំពង់ទឹកឃុំឆ្នុកទ្រូ នៅព្រឹកថ្ងៃទី១៣ ខែមករា ឆ្នាំ២០២៥នេះ អ្នកយកព័ត៌មានបានចុះទៅដល់កន្លែងនោះ និងបានប្រទះឃើញនៅតាមសងខាងផ្លូវកំពង់ទឹកឆ្នុកឃុំឆ្នុកទ្រូ ស្រុកបរិបូណ៌ ពោរពេញទៅដោយសំរាម ជាពិសេសគឺថង់ប្លាស្ទិករាប់តោន ដែលគេបានបោះចោលនៅលើគោក និងមួយចំនួនធំបានធ្លាក់ចូលទៅក្នុងបាតព្រែកជាប់នឹងដងទន្លេសាប ដែលទឹកព្រែកនោះនៅខែនេះបានហូរចេញទៅកាន់ទន្លេសាបតែម្តង។ ដោយឡែកផ្ទះជួសជុលម៉ាស៊ីន និងផ្ទះលក់ប្រេងឥន្ទនៈ បានកើតឡើងវិញជាច្រើនខ្នងផងដែរ ដែលពួកគេបានចាក់កាកសំណល់ដែលមានសារធាតុគីមី និងសារធាតុពុលផ្សេងៗចូលទៅក្នុងទឹកព្រែក និងទឹកទន្លេជារៀងរាល់ថ្ងៃ ដោយមិនទាន់មានចំណាត់ការណាមួយពីអាជ្ញាធរឃុំ ស្រុកនៅឡើយ។ ប្រជាពលរដ្ឋ និងភ្ញៀវទេសចរបានសំណូមពរដល់អាជ្ញាធរមានសមត្ថកិច្ចគ្រប់លំដាប់ថ្នាក់ ជួយពិនិត្យទីតាំងខាងលើ និងមានចំណាត់ការរៀបចំផង ព្រោះការបំពុលបរិស្ថានទឹកព្រែក និងទឹកទន្លេបែបនេះ នាំអោយមានផលប៉ះពាល់ធ្ងន់ធ្ងរដល់សុខុមាលភាពអ្នកប្រើប្រាស់ទឹកទន្លេ និងជីវចម្រុះបាតទន្លេទៀតផង។ 

គួររំលឹកថា បរិស្ថានទឹកព្រែកមាត់កំពង់ទឹក និងទឹកទន្លេសាបនៅឃុំឆ្នុកទ្រូ ស្រុកបរិបូណ៌ រួមនិងផ្ទះជួសជុលម៉ាស៊ីន និងផ្ទះលក់ប្រេងឥន្ទនៈទាំងនោះ ត្រូវបានរៀបចំបានល្អក្នុងអំឡុងឆ្នាំ២០២០ និងបានបំពុលឡើងវិញក្នុងឆ្នាំ២០២៣ ។ កាលពីរៀបចំលើកមុន ផ្ទះជួសជុលម៉ាស៊ីន ផ្ទះបញ្ចូលអាគុយ ផ្ទះលក់ប្រេងឥន្ទនៈ សិប្បកម្មផលិតទឹកកក និងផ្ទះរស់នៅលើទឹករបស់ប្រជាពលរដ្ឋ ត្រូវបានបំលាស់ទីមករស់នៅលើគោកទាំងអស់ និងហាមមិនអោយចុះទៅនៅលើទឹកទន្លេ ឬព្រែកវិញឡើយ។ តែមិនដឹងមូលហេតុអ្វីបានជាផ្ទះទាំងនោះ បានចុះទៅនៅលើទឹកទន្លេ ទឹកព្រែកវិញ រួមនិងមានសំរាម ថង់ផ្លាស្ទីករាប់តោននៅតាមសងខាងផ្លូវកំពង់ទឹកឆ្នុកទ្រូនោះវិញ?៕

ប្រភព: bayon radio

(សូមអានបន្ត)

ឯកឧត្តម ង៉ូវ បូរីណា បានអញ្ជើញជាអធិបតី ក្នុងកម្មវិធីមីទ្ទិញអបអរសាទរខួបលេីកទី៤៦ នៃទិវាជ័យជំនះ ៧មករា សាលាសង្កាត់ព្រះស្រែ

ឧត្ដុង្គម៉ែជ័យ ៖ ឯកឧត្ដម ង៉ូវ បូរីណា រដ្ឋលេខាធិការក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានសង្កាត់ព្រះស្រែ បានអញ្ជើញជាអធិបតី ក្នងកម្មវិធីមីទ្ទិញអបអរសាទរខួបលេីកទី៤៦ នៃទិវាជ័យជំនះ ៧មករា ដែលមានការចូលរួមពីលោក ចាន់ វត្ថា អភិបាលរងក្រុងឧត្ដុង្គម៉ែជ័យ និង លោក សុខ សយ ប្រធានក្រុមប្រឹក្សាភិបាលក្រុងឧត្ដុង្គម៉ែជ័យ ព្រមទាំងមានការចូលរួមពី លោកចៅសង្កាត់ ក្រុមប្រឹក្សាសង្កាត់ ក្រុមការងារ និងប្រជាពលរដ្ឋ ប្រមាណជាង ៣២០នាក់ នៅរសៀល ថ្ងៃទី០៧ ខែមករា ឆ្នាំ២០២៥ ស្ថិតនៅភូមិតាជាល សង្កាត់ព្រះស្រែ ក្រុងឧត្ដុង្គម៉ែជ័យ ខេត្តកំពង់ស្ពឺ។ 

ក្នុងឱកាសដ៍វិសេសវិសាលនេះផងដែរ ឯកឧត្តម បានសំណេះសំណាល សួរសុខទុក្ខដល់ក្រុមការងារ និងប្រជាពលរដ្ឋ ដោយស្នាមញញឹម និងភាពរីករាយ ផងនោះ ជាកិច្ចបន្ត ឯកឧត្តម បានអានសុន្ទរកថាដេីមទាំងស្រុករបស់ សម្តេចអគ្គមហាសេនាបធិបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ក្នុងពិធីមីទ្ទីងរណឭកខួបលើកទី ៤៦ នៃទិវាជ័យជម្នះ ៧ មករា (៧.០១.១៩៧៩ - ០៧.០១.២០២៥) ជូនក្នុងអង្គពិធីទាំងមូលស្តាប់ផងដែរ ។ 

ឯកឧត្តម បានបន្ដទៀតថា ការគាំទ្រដោយស្ម័គ្រស្មោះ របស់បងប្អូនប្រជាពលរដ្ឋរហូតមកដល់ពេលនេះ បានបញ្ជាក់បង្ហាញឱ្យឃេីញកាន់តែច្បាស់អំពី ការដឹកនាំប្រកបដោយភាពប៉ិនប្រសព្វរបស់ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជាការចូលរួមរក្សាសុខសន្ដិភាព និងស្ថេរភាពនយោបាយនៅកម្ពុជា។

(សូមអានបន្ត)

ធូលីភាគល្អិត (PM 2.5) រាលដាលពេញទីក្រុងបាងកក! ៧០ តំបន់ស្ថិតក្នុងកម្រិតពណ៌ទឹកក្រូច ចាប់ផ្តើមប៉ះពាល់ដល់សុខភាព

មជ្ឈមណ្ឌលព័ត៌មានគុណភាពអាកាសបាងកកបានសង្ខេបលទ្ធផលរង្វាស់ PM 2.5 ជា 40.7-65.4 មីក្រូក្រាម/ម៉ែត្រគូប រកឃើញលើសកម្រិតស្តង់ដារ និងស្ថិតក្នុងកម្រិតពណ៌ទឹកក្រូច ចាប់ផ្តើមមានផលប៉ះពាល់ដល់សុខភាពក្នុងតំបន់ចំនួន ៧០ ក្នុងអំឡុងថ្ងៃទី ៧-១៥ ខែមករា ឆ្នាំ ២០២៥ ។

ថ្ងៃនេះ (៧ មករា) ក្រុមអ្នកនាំពាក្យមជ្ឈមណ្ឌលព័ត៌មានគុណភាពខ្យល់បាងកក មជ្ឈមណ្ឌលព័ត៌មានគុណភាពខ្យល់បាងកក នាយកដ្ឋានឧតុនិយម និងទីភ្នាក់ងារអភិវឌ្ឍន៍បច្ចេកវិទ្យាអវកាស និងភូមិសាស្ត្រព័ត៌មានវិទ្យា ឲ្យដឹងស្ថានភាពនៃភាគល្អិតធូលី (PM 2.5) ពីស្ថានីយ៍ត្រួតពិនិត្យគុណភាពខ្យល់នៃទីក្រុងបាងកក ថ្ងៃអង្គារ ទី 7 ខែមករា ឆ្នាំ 2025 វេលាម៉ោង 7:00 ព្រឹក ភាគល្អិតធូលី PM2.5 ជាមធ្យម 24 ម៉ោង វាស់នៅកម្រិត 40.7-65.4 មីក្រូក្រាម/ម៉ែត្រគូប ចូលកម្រិតពណ៌ទឹកក្រូច ចាប់ផ្តើមប៉ះពាល់ដល់សុខភាព (ស្តង់ដារមិនលើសពី 37.5 មីក្រូក្រាម/ម៉ែត្រគូប) មានចំណាត់ថ្នាក់លេខ ៨ លើពិភពលោក ៕

(សូមអានបន្ត)

យ៉ាងម៉ិចចេះ បុគ្គលឈ្មោះ ងិន វាសនា ចាងហ្វាងអង្គភាព គេហទំព័រក្រាំងមាស កំពុងតែសុីលៀស ល្អៀសខ្លួន ក្នុងការផ្សព្វផ្សាយបែបល្ងីល្ងើដូចគោដំបៅខ្នង..

កំពង់ឆ្នាំង÷ កាលពីថ្ងៃទី៣០ ខែធ្នូ ឆ្នាំ២០២៤ ខ្ញុំបាទ សឿងប្រុស (ហៅមករា) និពន្ធនាយករងអង្គភាពព័ត៌មាន VPN TV ONLINE បានទទួលប្រភពព័ត៌មានពីប្រជានេសាទជំវិញការនេសាទដាក់មងដោយខុសច្បាប់នៅក្នុងចំណុចឡូតំបន់អភិរក្សព្រៃខ្សាច់ ស្ថិតនៅឃុំ ផាត់សណ្ដាយ ស្រុកកំពង់ស្វាយ ខេត្តកំពង់ធំ។

ក្រោយពីទទួលបាននូវព័ត៌មាននេះភ្លាម ខ្ញុំបាទ សឿងប្រុស ក៏បានចុះមើលនិងយកព័ត៌មានជាក់ស្ដែង និងបានផ្ដិតយករូបភាព និងថតជាវីដេអូ មានទាំង(ឡុកខេសិនទីតាំង)ថ្ងៃខែ យ៉ាងពិតប្រាកដ ដោយឃើញមានការលួចនេសាទដាក់មងខុសច្បាប់ក្នុងចំណុចឡូអភិរក្ស(ព្រែកតាបា)(ព្រែកតាមើម)(ព្រែកណាំ)និង(ព្រែឆ្លក)យ៉ាងពិតប្រាកដមែន ។

 ក្រោយពីបានថតនិងសម្ភាសជាមួយអ្នកនេសាទជាជនជាតិវៀតណាមនូវសកម្មភាពទីតាំងចំណុចខាងលើរួចហើយ ខ្ញុំបាទ សឿនប្រុស ក៏បានរាយការណ៍ទៅលោក ជិន ស៉ីថា នាយកខណ្ឌរដ្ឋបាលជលផលប្រចាំខេត្តកំពង់ធំ និងបានធ្វើការផ្ដល់ជូនព័ត៌មានទៅលោក ចាងហ្វាង VPN TV ONLINE ដើម្បីធ្វើការផ្សព្វផ្សាយជូនទៅដល់អាជ្ញាធរពាក់ព័ន្ធអោយលោកបានជ្រាប និងមានវិធានការចុះមកបង្ក្រាប់ឲបានទាន់ពេលវេលា។

 ក្រោយពីខ្ញុំបាទ សឿងប្រុស បានផ្ដល់ព័ត៌មានជូនលោក ចាងហ្វាង រួចមក ឃើញថា÷ អង្គភាពយើងខ្ញុំបានធ្វើការផ្សព្វផ្សាយនៅថ្ងៃទី៣១ ខែធ្នូ ឆ្នាំ២០២៤ ក្រោយពីបានផ្សព្វផ្សាយព័ត៌មានរួចហើយ ទើបបានដឹងដល់ក្រុមជនល្មើសទាំងនោះបាននាំគ្នាដាក់មេប្រូច រត់គេចខ្លួនបាត់ស្រមោលអស់ទៅហើយ។

 បន្ទាប់មកនៅរសៀលថ្ងៃទី០២ ខែមករា ឆ្នាំ២០២៥ ដោយមានការសុំសហការពីអាជ្ញាធរក្នុងការយកព័ត៌មាន ខ្ញុំបាទ សឿងប្រុស ក៏បានចុះផ្ទាល់ជាមួយលោកអភិបាលរងខេត្តកំពង់ធំ និងលោកនាយខណ្ឌជលផល នៅល្ងាចម៉ោង២:០០នាទីរសៀលនោះផងដែរ តែហាក់បីដូចជា មិនឃើញមានជនល្មើសដែលនេសាទខុសច្បាប់ទាំងនោះសិស្សឡើយ ដោយគេសន្និដ្ឋានថា ប្រហែលមានអ្នករៀបចំឲ្យដឹងមុនហើយមើលទៅ។

ចំពោះការចុះផ្សាយព័ត៌មាន របស់អង្គភាពយើងខ្ញុំ ដោយយោងតាម ការធ្វើបទ

សម្ភាសរវាងជនជាតិវៀតណាមម្នាក់ ដែលបានផ្ដល់ព័ត៌មានលើកឡើងអំពីការនេសាទដាក់មងដោយខុសច្បាប់ បានលើកឡើងថា ពួកគាត់ គឺត្រូវបង់លុយទៅអោយឈ្មោះ ងិន វាសនា មានតួនាទីធ្វើការនៅឃុំ ជាអ្នករត់ការឱ្យពួកគាត់ ដោយបានបង់លុតក្នុងមួយទូកចាប់ពី(មួយលានហុកសិបម៉ឺនរៀល) ទៅដល់(២លានរៀល)ក្នុងការរត់ការឱ្យនេសាទ តែខ្ញុំបាទមិនដឹងថាឈ្មោះ ងិន វាសនា ជានណាដែរ។ 

ចំពោះការចុះផ្សាយរបស់អង្គភាពយើងខ្ញុំ ដោយបានដកស្រង់ចេញពី សម្ដីរបស់ជនជាតិវៀតណាមនោះតែប៉ុណ្ណោះ ហើយអង្គភាពយើងខ្ញុំក៏មិនបានស្គាល់ឈ្មោះ ងិន វាសនា ជាអ្នករត់ការនូវបទល្មើសនេសាទនោះដែរ ចំពោះការផ្សព្វផ្សាយវិញក៏មិនបាន ដាក់រូបថត ឬរូបភាពរបស់ឈ្មោះងិនវាសនា នោះទេ គ្រាន់តែសរសេរ ឈ្មោះ ងិន វាសនា តាមតែអ្វីដែលជនជាតិវៀតណាមដែលបានផ្ដល់ប្រភពឱ្យ ។

ក្រោយពីអង្គភាពយើងខ្ញុំធ្វើការផ្សព្វផ្សាយរួចមកស្រាប់តែ នៅថ្ងៃទី០១ ទី២ និងទី៣ ខែមករា ឆ្នាំ២០២៥ ថ្មីៗនេះ  បែជាមានបុគ្គលដែលស៊ីលៀសល្អៀងខ្លួន  ឈ្មោះ ងិន វាសនា ដោយគេស្គាល់ថា ចាងហ្វាងអង្គភាពគេហទំព័រសារព័ត៌មាន ក្រាំងមាស ចេញមុខមកបទស្រាយបំភ្លឺនិងចោទប្រកាន់មកដល់ខ្ញុំបាទ និងអង្គភាពVPN ថា÷ ផ្សាយព័ត៌មានមិនការពិត ធ្វើការបដិសេធច្រានចោលទាំងស្រុងចំពោះFacebook ខ្ញុំបាទឈ្មោះ Makara vpn ដែលបានបង្ហោះនូវព័ត៌មាន មិនឆ្លុះបញ្ចាំងការពិត ព័ត៌មានក្លែងក្លាយ បង្កើតសេណារីយោ ធ្វើបទសម្ភាសន៍ខ្លួនឯងឆ្លើយខ្លួនឯងដឹកមុខចម្លើយ ធ្វើឱ្យប៉ះពាល់សិទ្ធិអ្នកដទៃ។

ករណីបង្ហោះចុះផ្សាយព័ត៌មានរបស់Facebookឈ្មោះ Makara vpnខាងលើនេះ ខ្ញុំបាទ  សូមធ្វើការបដិសេធច្រានចោលទាំងស្រុង ដោយនៅក្នុងឃ្លីបវិដេអូនិងការសរសេរអត្ថបទគ្មានប្រភពច្បាស់លាស់ ក្នុងចេតនាមួលបង្កាច់មកលើរូបខ្ញុំទាំងស្រុង   ចាត់ទុកថា ជាព័ត៌មានគំនុំ ព័ត៌មានក្លែងក្លាយ ដោយមានចេតនាទុច្ចរិតធ្វើឱ្យមហាជនមានការយល់ច្រឡំប៉ះពាល់កិត្តិយសមកលើរូបខ្ញុំយ៉ាងធ្ងន់ធ្ងរ ការចុះផ្សាយរបស់Facebook ឈ្មោះMakara vpnខាងលើនេះគឺជាឈ្នាន់ បំរើឲ្យបុគ្គលមិនល្អ ដោយមួយរយ:កន្លងមកនេះខ្ញុំបាទមានការវល់កិច្ចការផ្ទះនិងមានជម្ងឺប្រចាំកាយមិនបានដើរចាកចេញពីផ្ទះទៅណាឆ្ងាយម្ដងណាឡើយម្យ៉ាងទៀតខ្ញុំបាទមិនដែលស្គាល់ជនជាតិវៀតណាមម្នាក់នោះទាល់តែសោះ ។ 

តើសកម្មភាពធ្វើការចុះផ្សាយរបស់បុគ្គលឈ្មោះ ងិន វាសនា ដែលជាចាងហ្វាងអង្គភាពគេហទំព័រ ក្រាំងមាស មួយនេះកំពុងរើសដាក់ខ្លួនឬមួយយ៉ាងណា? ឬមួយមានចេតនាធ្វើការផ្សព្វផ្សាយចោទប្រកាន់មកលើរូបខ្ញុំបាទ ក៏ដូចជាអង្គភាពខ្ញុំ និងថែមទាំងបានយក រូបខ្ញុំមកបង្ហោះដោយមិនមានការអនុញាតិពីសម៉ីខ្លួន និងគំរាមប្ដឹងខ្ញុំបាទនិងអង្គភាពខ្ញុំ  ប្រហែលជាមិនយល់អំពីរបបស្ដីពីច្បាប់សារព័ត៌មាននៅកម្ពុជាទេដឹង? បានជាធ្វើល្ងីល្ងើ ទាំងដែលខ្លួនជាម្ចាស់ស្ថាប័នអង្គភាពមួយនឹងគេនឹងឯងដែរនោះ ។

ធ្វើជាអ្នកសារព័ត៌មាន កុំបំពានសិទ្ធិអ្នកដទៃកុំបំភ្លៃការពិត.!

ជារឿងមួយគួរឱ្យអស់សំណើរដែបុគ្គលម្នាក់នេះពិតជាស៉ីលៀសល្អៀសខ្លួនឯងទៅវិញ៕

(សូមអានបន្ត)

ឯកឧត្តមបណ្ឌិត អ៊ាង សុផល្លែត រដ្ឋមន្ត្រី ថ្នាក់ដឹកនាំ និង មន្ត្រីរាជការ ក្រសួងបរិស្ថាន អញ្ជើញចូលរួមគោរពវិញ្ញាណក្ខន្ធសព មហាឧបាសិកាពុទ្ធសាសនូបត្ថម្ភក៍ ហាក់ ស៊ីផេន ដែលត្រូវជាម្តាយក្មេក ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍

រាជធានីភ្នំពេញ៖ នារសៀលថ្ងៃសុក្រ ទី៣ ខែមករា ឆ្នាំ២០២៥ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញចូលរួមគោរពវិញ្ញាណក្ខន្ធសព មហាឧបាសិកាពុទ្ធសាសនូបត្ថម្ភក៍ ហាក់ ស៊ីផេន ដែលត្រូវជា ម្តាយក្មេក ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងជាម្តាយរបស់លោកជំទាវ សុង ធីតា ដែលបានទទួលមរណភាព នៅថ្ងៃពុធ ទី១ ខែមករា ឆ្នាំ២០២៥ វេលាម៉ោង១២:៥០នាទីថ្ងៃត្រង់ ក្នុងជន្មាយុ៦៣ឆ្នាំ ដោយរោគាពាធ ដែលកំពុងតម្តល់រៀបចំពិធីបុណ្យនៅវត្តនិគ្រោធវ័ន គល់ទទឺង។

សូមចូលរួមរំលែកមរណទុក្ខដ៏សែនក្រៀមក្រំបំផុតជាមួយ ឯកឧត្តមរដ្ឋមន្រ្តី និងលោកជំទាវ ព្រមទាំងក្រុមគ្រួសារទាំងមូល និងសូមគោរពបួងសួងដល់ដួងវិញ្ញាណក្ខន្ធសពមហាឧបាសិកាពុទ្ធសាសនូបត្ថម្ភក៍ ហាក់ ស៊ីផេន សូមបានយោនយោគក្នុងទីឋានបរមសុខកុំបីឃ្លៀងឃ្លាតឡើយ៕

(សូមអានបន្ត)

ផ្លូវជាតិគ្មានសំរាមប្លាស្ទិក ព្រោះប្រជាជនកម្ពុជា ស្រឡាញ់បរិស្ថាន

 

នៅថ្ងៃទី០១ ខែមករា ដេីមឆ្នាំ២០២៥នេះ ក្រសួងបរិស្ថានបានប្រកាសបេីកយុទ្ធនាការ សម្អាតផ្លូវជាតិ "ផ្លូវជាតិគ្មានសំរាមប្លាស្ទិក" នេះបេីតាមការបង្ហោះក្នុងទំព័រហ្វេសប៊ុកផ្លូវការរបស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន។ 

សូមរំឭកផងដែរថា ប្រមាណជាង ១ឆ្នាំ កន្លងមក ក្រសួងបរិស្ថាន បានដាក់ចេញនូវយុទ្ធនាការលេីភាពស្អាត ចំនួន ០៣ ដេីម្បីកម្ពុជាស្អាត រួមមាន យុទ្ធនាការ"ថ្ងៃនេះ ខ្ញុំមិនប្រើថង់ប្លាស្ទិកទេ" យុទ្ធនាការ"កម្ពុជាស្អាត ខែ្មរធ្វើបាន" នឹងនៅថ្ងៃទី០១ ខែមករា ឆ្នាំ២០២៥នេះ គឺយុទ្ធនាការ" ផ្លូវជាតិគ្មានសំរាមប្លាស្ទិក"។  

យុទ្ធនាការទាំង ០៣ ខាងលេី ជាជ្រុងមួយ នៃយុទ្ធសាស្ត្រចក្រាវិស័យបរិស្ថាន សំដៅលេីភាពស្អាតនៅកម្ពុជា ពោលគឺ ស្អាតនៅលេីអាកាស ស្អាតនៅលេីដី និងស្អាតនៅក្នុងទឹក។ 

បេីតាមប្រសាសន៍ ឯកឧត្ដមរដ្ឋមន្ត្រី ក្រសួងបរិស្ថាន បានលេីកឡេីងថា កម្ពុជា នឹងមានភាពស្អាតគ្រប់ទីកន្លែង ទាំងនៅតាមដងផ្លូវជាតិ ផ្លូវលំ និងនៅទីសាធារណៈ គឺផ្ដេីមចេញពី ប្រជាជនកម្ពុជា ស្រឡាញ់បរិស្ថាន និងចូលរួមយុទ្ធនាការជាមួយរាជរដ្ឋាភិបាល ក្នុងការសំអាត ទុកដាក់សំរាមមានសណ្ដាប់ធ្នាប់។

(សូមអានបន្ត)