លោក ជា ណារ៉ុន អភិបាល នៃគណៈអភិបាលស្រុកអូររាំងឪ ដឹកនាំកិច្ចប្រជុំ គណៈកម្មការរៀបចំសង្ក្រាន្តអូររាំងឪឆ្នាំថ្មី២០២៥

អូររាំងឪ៖ លោក ជា ណារ៉ុន អភិបាល នៃគណៈអភិបាលអូររាំងឪ បានដឹកនាំកិច្ចប្រជុំគណៈកម្មការរៀបចំសង្ក្រាន្តអូររាំងឪ សម្រាប់អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៥ នាព្រឹកថ្ងៃទី១៨ ខែកុម្ភៈ ឆ្នាំ២០២៥ ស្ថិតនៅសាលាស្រុកអូររាំងឪ ដែលមានការចូលរួមដោយ លោកបណ្ឌិត ហោ គន្ធា រួមទាំងអភិបាលរងស្រុក មេឃុំទាំង៧ និងសមាជិក សមាជិកា នៃគណ:កម្មការផងដែរ។ 

ពិធីរៀបចំអបអរសាទរ សង្ក្រាន្តអូររាំងឪឆ្នាំ២០២៥  នឹងប្រារព្ធទៅនៅភូមិថ្នល់កែង ឃុំព្រះធាតុ ស្រុកអូររាំងឪ ខេត្តត្បូងឃ្មុំ។ 

ថ្លែងក្នុងអង្គប្រជុំ លោក ជា ណារ៉ុន អភិបាលស្រុកអូររាំងឪ បានធ្វើការចង្អុលបង្ហាញ និងណែនាំលេីប្លង់ទីតាំងរៀបចំតុបតែង ឆាកតន្ត្រី រថយន្តបាញ់ទឹក ល្បែងប្រជាប្រិយ និងស្ដង់ពិព័រណ៍បង្ហាញសមិទ្ធផលរបស់ស្រុក ជូនគណៈកម្មការ ដេីម្បីជាមូលដ្ឋានក្នុងការរៀបចំ  ប្រកបដោយប្រសិទ្ធភាព។