ឯកឧត្តម ព្រះរាជអាជ្ញា-ព្រះរាជអាជ្ញារង អមសាលាដំបូងខេត្តកំពង់ស្ពឺ បានផ្សព្វផ្សាយពង្រឹងការអនុវត្តតួនាទី-ភារកិច្ចការងារតាមក្រមនីតិវិធីព្រហ្មទណ្ឌ ដល់មន្ត្រីនគរបាលយុត្តិធម៌ ក្នុងអង្គភាព បញ្ជាការដ្ឋាន កងរាជអាវុធហត្ថខេត្តកំពង់ស្ពឺ

 

(កំពង់ស្ពឺ)៖ ព្រឹកថ្ងៃទី២៥ ខែមិថុនា ឆ្នាំ២០២៤ តបតាមការអញ្ជើញរបស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ដើម្បីពង្រឹងការអនុវត្តតួនាទី ភារកិច្ចការងារ របស់មន្ត្រីនគរបាលយុត្តិធម៌ ក្នុងពេលប្រតិបត្តិការ ការងារស្រាវជ្រាវបទល្មើស ឲ្យត្រូវតាមក្រមនីតិវិធីព្រហ្មទណ្ឌ ។ 

ជាក់ស្តែង ឯកឧត្តម ស៊ិន វិរៈ ព្រះរាជអាជ្ញា អមសាលាដំបូងខេត្តកំពង់ស្ពឺ បានដឹកនាំព្រះរាជអាជ្ញារង ចំនួន០៣រូបមកធ្វើបទបង្ហាញអំពីក្រមនីតិវិធីព្រហ្មទណ្ឌ ដែលមានវត្តមានមន្ត្រីនគរបាលយុត្តិធម៌ នៃបញ្ជាការដ្ឋាន កងរាជអាវុធហត្ថខេត្តចំនួន៧៦នាក់ បានចូលរួមក្នុងពិធីនេះ ។