ឯកឧត្តម គួច វេងស្រ៊ុន រដ្ឋលេខាធិការ និងជាប្រធាន ស.ស.យ.ក. បម្រើការនៅទីស្តីការគណៈរដ្ឋមន្ត្រី បានដឹកនាំសមាជិក សមាជិកា ស.ស.យ.ក.

 

បម្រើការនៅទីស្តីការគណៈរដ្ឋមន្ត្រី ចូលរួមវគ្គបណ្តុះបណ្តាលស្តីពី «ការរៀបចំគោលនយោបាយសេដ្ឋកិច្ចនិងពាណិជ្ជកម្មនៅកម្ពុជា៖ ទសន្សវិស័យសម្រាប់អនាគត» ដែលធ្វើបទបង្ហាញដោយ ឯកឧត្តមបណ្ឌិតសភាចារ្យ សុក ស៊ីផាន់ណា តំណាងដ៏ខ្ពង់ខ្ពស់ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី និងជា ប្រធានក្រុមប្រឹក្សាអ្នកច្បាប់ នាព្រឹកថ្ងៃទី១៩ខែមីនាឆ្នាំ២០២៤ នៅសាល C អគារមិត្តភាព ទីស្តីការគណៈរដ្ឋមន្ត្រី។

វគ្គបណ្តុះបណ្តាលនេះ រៀបចំឡើងដោយក្រុមប្រឹក្សាអ្នកច្បាប់ ដែលមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ ថ្នាក់ដឹកនាំនិងមន្ត្រីរាជការនៃអង្គភាពចំណុះទីស្តីការគណៈរដ្ឋមន្ត្រី និងសមាជិក សមាជិកា សហភាពសហព័ន្ធយុវជនកម្ពុជាវិស័យទីស្តីការគណៈរដ្ឋមន្ត្រី សរុបទាំងអស់ប្រមាណ៤០០នាក់។

គោលបំណងវគ្គនេះគឺ ដើម្បីពង្រឹងសមត្ថភាពគុណភាព និងចំណេះដឹងឱ្យកាន់តែទូលំទូលាយ សំដៅបង្កើននូវប្រសិទ្ធភាព និងផលិតភាពការងារឱ្យកាន់តែប្រសើរជាងមុនទាំងក្នុងក្របខ័ណ្ឌទីស្តីការគណៈរដ្ឋមន្ត្រី ក៏ដូចតាមបណ្តាក្រសួងស្ថាប័នផ្សេងៗ។

#សសយកទីស្តីការគណៈរដ្ឋមន្រ្តី