កម្មករ កម្មការិនី ចូលរួមយ៉ាងរីករាយ និងស្វាហាប់ ជាមួយយុទ្ធនាការ «កម្ពុជាស្អាត ខ្មែរធ្វើបាន»

 

ក្រោយរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និង រដ្ឋមន្ត្រីក្រសួងបរិស្ថាន ឯកឧត្តម ហេង សួរ - ឯកឧត្តមបណ្ឌិត អ៊ាង សុផល្លែត កាលពីរសៀលថ្ងៃទី២០ ខែឧសភា ឆ្នាំ២០២៤ ការផ្សារសាច់ឈាមជាមួយគ្នា ក្នុងការចុះអនុស្សរណៈនៃការយោគយល់គ្នាស្តីពី«យុទ្ធនាការកាត់បន្ថយការប្រើប្រាស់ប្លាស្ទិកនៅតាមសហគ្រាស គ្រឹះស្ថាន» មក ការកាត់បន្ថយ និងលុបបំបាត់ការប្រើប្រាស់ប្លាស្ទិក បានឈានមួយជំហានទៀតយ៉ាងស្វាហាប់ ជាមួយនឹងយុទ្ធនាការ «កម្ពុជាស្អាត ខ្មែរធ្វើបាន» ដែលនឹងនាំកម្ពុជាទៅឆ្ពោះ ស្អាតបៃតង ភូមិឋានអនាម័យ ទីក្រុងស្រស់បំព្រង ។

ជាក់ស្តែងនៅព្រឹកថ្ងៃអង្គារទី ២១ ខែឧសភា ឆ្នាំ ២០២៤ កម្មករ កម្មការិនី ក្រុមហ៊ុនរោងចក្រកាត់ដេរសម្លៀកបំពាក់ ឆេម ថេក ( ខេមបូឌា ) ឯ.ក ចំនួន ៤៨ នាក់ ប្រុស ១៤ នាក់ បានចូលរួមគាំទ្រយុទ្ធនាការ «កម្ពុជាស្អាត ខ្មែរធ្វើបាន» ស្ថិតក្នុងភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។

នេះជាការឆ្លុះបញ្ចាំងនូវការគាំទ្រយុទ្ធនាការ «កម្ពុជាស្អាត ខ្មែរធ្វើបាន» របស់ក្រសួងបរិស្ថាន ដែលបានប្រកាសបើកយុទ្ធនាការ កាលពីថ្ងៃទី ១៥ ខែឧសភាឆ្នាំ ២០២៤ ក្រោមអធិបតីភាព ឯកឧត្តមបណ្ឌិត រដ្ឋមន្ត្រីក្រសួងបរិស្ថាន និងជំរុញឲ្យកម្ពុជាមានសម្ព័ន្ធភាពបរិស្ថានស្អាតអនាម័យល្អ នៅក្នុងតំបន់អាស៊ី ៕

(សូមអានបន្ត)

កម្ពុជា​ នឹង​ប្រារព្ធពិធី​តាំង​ពិព័រណ៍​ដេីម​ឈេី​ និងចែក​ជូនដេីម​ឈេី​ទូទាំង​ប្រទេស​ ដេីម្បី​បៃតងភាព​ និង​ចីរភាព​បរិស្ថាន​

 

នៅខែ​កក្ដដា​ ឆ្នាំ​២០២៤​ ខាងមុខ​នេះ កម្ពុជា​ នឹងរៀបចំ​ការ​តាំងពិព័រណ៍​ដេីម្បី​ឈេី​ និង​ធ្វើការ​ចែកដេីឈេី​ ជូន​ប្រជាពលរដ្ឋ​ សហគមន៍​ សាលារៀន​ និង​នៅតាម​បណ្ដា​ទីកន្លែងនានា​ ទូទាំងប្រទេសកម្ពុជា​។

គូសបញ្ជាក់​ផងដែរ​ថា​ ការរៀបចំ​តាំងពិព័រណ៍​ដេីមឈេី​ នាខែកក្ដដា​ខាង​មុខនេះ​ ជាគំនិត​ផ្ដួចផ្ដើម​របស់​ក្រសួង​បរិស្ថាន​ ក្រោម​ប្រធានបទ​"ពន្លកបៃតង"​ ពោល​គឺ​កម្ពុជា​ ឈាន​ឆ្ពោះ​ទៅកាន់​ភាព​បៃតង​ នាឆ្នាំ២០៥០​ ស្របតាម​យុទ្ធសាស្ត្រ​ចក្រាបរិស្ថាន​ ដេីម្បី​ចីរភាព​បរិស្ថាន​នៅកម្ពុជា។

បេី​តាម​ប្រសាសន៍​របស់​ ឯកឧត្ដម​បណ្ឌិត​ អ៊ាង​ សុផល្លែត​ រដ្ឋមន្ត្រី​ក្រសួង​បរិស្ថាន​ បាន​លេីកឡេីង​ក្នុង​ ជំនួប​ជា​មួយ​ ឯកឧត្តម Obaid Saeed Obaid Bintaresh Aldhaheri ឯកអគ្គរាជទូតអេមីរ៉ាតអារ៉ាប់រួមប្រចាំកម្ពុជា​ កាលពីថ្ងៃទី​ ១៦ ខែ​ឧសភា​ នៅទីស្ដីការ​ក្រសួង​បរិស្ថាន​ ឯកឧត្ដម​រដ្ឋមន្ត្រី​ បាន​បញ្ជាក់​យ៉ាង​ច្បាស់ថា​ កម្ពុជា​នឹងដេីរតួយ៉ាងសំខាន់​ ជាមួយ​បណ្តា​ប្រទេស​ជាដៃគូ​ លេីការ​បម្រែបម្រួល​អាកាសធាតុ​សកល​ និង​ធ្វើ​យ៉ាងណា​ឱ្យ​កម្ពុជា​ឈាន​ខ្ពស់​លេី​វិស័យ​បរិស្ថាន​ក្នុងតំបន់។ កម្ពុជា​បាន​នឹងកំពុង​ តែ​មាន​ភាព​ល្អប្រសើរ​ និងទទួលបាន​ជោគជ័យ​ លេីការ​កាត់​បន្ថយ​ប្រេីប្រាស់​ប្លាស្ទិក​ តួយ៉ាង​ក្នុង​មួយថ្ងៃ​ មាន​ការ​ប្ដេជ្ញា​មិន​ប្រេីប្រាស់​ថង់​ប្លាស្ទិក​ ប្រមាណ​ជា​ ៤​ លានថង់​ និង​មាន​អ្នក​ចូលរួម​បេ្ដជ្ញាជាង​ ៨​ លាន​ អង្គនាក់​ បេីគិត​ចាប់​ពី​ខែ​កញ្ញា​ ឆ្នាំ២០២៣​ មកដល់​ពេល​បច្ចុប្បន្ន​នេះ។

សូម​រំលឹក​ផង​ដែរ​ថា​ ព្រឹត្តិការណ៍​ជា​ប្រវត្តិសាស្ត្រ​ ក្រោម​ប្រធានបទ​"ពន្លកបៃតង"​ នឹងប្រព្រឹត្ត​ិទៅ​ នៅខាងមុខ​អាគារទីស្ដី​ការ​ក្រសួង​បរិស្ថាន​ ដោយ​មាន​ការ​ដាក់តាំងបង្ហាញ​នូវដេីមឈេីជា​ច្រើន​ប្រភេទ​ នៅតាមស្ដង់នីមួយៗ​ របស់​មន្ទីរ​បរិស្ថា​ន​ អង្គការក្រៅរដ្ឋាភិបាល​លេី​វិស័យ​ ដែលនឹងចាប់ផ្ដេីមពី​ ថ្ងៃ​ទី​ ១០​ ខែ​កក្ដដា​ ដល់ថ្ងៃទី​ ១៦​ ខែកក្កដា​ ឆ្នាំ​២០២៤នេះ។

បេី​តាម​ប្រភព​ច្បាស់​ការ​មួយ​ថា​ ក្រសួង​បរិស្ថាន​ រួម​ទាំង​មន្ទីរ​បរិស្ថាន​ទូទាំង​ប្រទេស​ នឹង​ចែកដេីមឈេី​ ម្រមាណជា​ ១,៥​ លានដេីម​ ដេីម្បី​ប្រជា​សហគមន៍​ ដាំលេីផ្ទៃដីសឹករិចរិល​ នៅតាមផ្លូវសាធារណៈ​ សាលារៀន​ វត្ត​អារាម​ និង​តាម​តំបន់ផ្សេងៗទៀត។

អ្វី​ដែល​គួរឱ្យ​កត់សម្គាល់​ ក្រសួង​បរិស្ថាន​ នឹង​ធ្វេី​ការ​ដាំដុះស្ដារ​ឡេីងវិញ​ លេីផ្ទៃដី​រាប់​ពាន់​ហិកតា​ ដែលបាន​ដកហូត​មកថ្មីៗនេះ​ ពី​សំណាក់ជនខិលខូច​ លួច​កាប់​ ទន្រ្ទានដី​ព្រៃ​របស់រដ្ឋ​ ក្នុង​តំបន់​ការពារ​ធម្មជាតិ​។ ដីដែល​ដកហូតបាន​ នឹង​ចាប់ផ្ដើម​ធ្វេី​ការ​ដាំដុះ​ ក្នុងរដូវស្សារ​នាពេលខាងនេះ​។

(សូមអានបន្ត)

ឯកឧត្តមបណ្ឌិត អ៊ាង សុផល្លែត៖ យុទ្ធនាការ «កម្ពុជាស្អាត ខ្មែរធ្វើបាន» ដាក់ចេញបន្ទាប់ពីកម្ពុជាយើងបានទប់ស្កាត់ ការពារការប្រើប្រាស់ និងបោះចោលថង់ប្លាស្ទិកបានច្រើនជាងការបោះចោល ទៅក្នុងទីសាធារណៈ ទទួលបានជោគជ័យរួចមកហើយ

 

ក្រសួងបរិស្ថាន ប្រកាសបើកយុទ្ធនាការ «កម្ពុជាស្អាត ខ្មែរធ្វើបាន» ចាប់ពីថ្ងៃទី១៥ ខែឧសភា ឆ្នាំ២០២៤ នេះតទៅ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា យុទ្ធនាការ «កម្ពុជាស្អាត ខ្មែរធ្វើបាន» នេះ បានបង្ហាញយ៉ាងច្បាស់ពីការតាំងចិត្តចូលរួមពីខ្មែរទូទាំងប្រទេស បន្ទាប់ពីកម្ពុជាយើងបានចូលរួមទប់ស្កាត់ ការពារការប្រើប្រាស់ និងបោះចោលថង់ប្លាស្ទិក បានច្រើនជាងការបោះចោលទៅក្នុងទីសាធារណៈ ទទួលបានជោគជ័យរួចហើយ។ ជោគជ័យដែលទទួលបាននោះគឺយុទ្ធនាការបន្តថ្មីមួយទៀតនេះ បានដើរទន្ទឹមគ្នាជាមួយយុទ្ធនាការ « ថ្ងៃនេះ ខ្ញុំមិនប្រើថង់ប្លាស្ទិកទេ» ដែលត្រូវបានដាក់ចេញកាលពីថ្ងៃទី១ ខែកញ្ញា ឆ្នាំ២០២៣ ហើយដែលរហូតដល់ពេលនេះ មានការចូលរួមពីសំណាក់សិស្សានុសិស្ស និងប្រជាជនចំនួនជាង ៨លាន នាក់នៅទូទាំងប្រទេសកម្ពុជា។ ឯកឧត្តមរដ្ឋមន្រ្តីក្រសួងបរិស្ថានបានបញ្ជាក់ដូចនេះបន្ថែម។

សូមបញ្ជាក់ថា យុទ្ធនាការ «កម្ពុជាស្អាត ខ្មែរធ្វើបាន» គឺជាយុទ្ធនាការសុំឱ្យសិស្សានុសិស្ស បងប្អូនប្រជាពលរដ្ឋមួយភូមិ ឬមួយឃុំ ឬមួយស្រុក ឬមួយខេត្ត ចេញមកទាំងអស់គ្នារើសសំរាមជុំវិញបរិវេណផ្ទះ សាលារៀន វត្តអារាម និងតាមទីសាធារណៈ ចំនួន១៥នាទី រៀងរាល់ថ្ងៃសៅរ៍ ដោយប្រមូលទុកដាក់សំរាមឱ្យបានត្រឹមត្រូវ។ 

ឯកឧត្តមបណ្ឌិត អ៊ាង សុផល្លែតបានថ្លែងថា ភាពស្អាត និងសុខភាពប្រជាពលរដ្ឋជាការងារអាទិភាព ដែលរាជរដ្ឋាភិបាលកម្ពុជា នៅក្នុងអាណត្តិទី៧ បាននឹងកំពុងយកចិត្តទុកដាក់។ ការសម្អាតអនាម័យបរិស្ថាននៅតាមមូលដ្ឋាន ប្រមូលទុកដាក់សំរាម រួមទាំងការកាត់បន្ថយសំណល់ប្លាស្ទិក ដែលឈានទៅបញ្ឈប់ការប្រើប្រាស់ប្លាស្ទិក ក្នុងចំណោមយុវជនជំនាន់ក្រោយ ធានាការគ្រប់គ្រងសំរាម ថែរក្សាអនាម័យបរិស្ថាន និង សុខុមាលភាពប្រជាពលរដ្ឋ បានល្អប្រសើរ ស្របនឹងភាពស្អាត ដែលជាមុំយុទ្ធសាស្រ្តអាទិភាពទី១ ចែងក្នុងយុទ្ធសាស្រ្តចក្រាវិស័យបរិស្ថាន៕

(សូមអានបន្ត)

កម្ពុជា និងអេមីរ៉ាតអារ៉ាប់រួម ប្តេជ្ញាចិត្តរួមគ្នា ដើម្បីរួមចំណែកដោះស្រាយបញ្ហាប្រែប្រួលអាកាសធាតុ

 

ការប្រែប្រួលអាកាសធាតុ គឺជាបញ្ហាសកល ហើយដើម្បីឆ្លើយតបនឹងបញ្ហាសកលនេះ ឯកអគ្គរាជទូតអេមីរ៉ាតអារ៉ាប់រួមប្រចាំកម្ពុជា បានប្តេជ្ញាចិត្តរួមគ្នាជាមួយកម្ពុជា ក្នុងការរួមចំណែកដោះស្រាយបញ្ហាប្រែប្រួលអាកាសធាតុ តាមរយៈកិច្ចសហប្រតិបត្តិការទ្វេភាគីនៃប្រទេសទាំងពីរ។ ការប្តេជាចិត្តរួមគ្នានេះ បានធ្វើឡើងនៅក្នុងជំនួបសម្តែងការគួរសម និងពិភាក្សាការងារ រវាងឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និង ឯកឧត្តម Obaid Saeed Obaid Bintaresh Aldhaheri ឯកអគ្គរាជទូតអេមីរ៉ាតអារ៉ាប់រួមប្រចាំកម្ពុជា ដែលមាននិវេសនដ្ឋាននៅទីក្រុងបាងកក នៅរសៀលថ្ងៃទី១៦ ខែឧសភា ឆ្នាំ ២០២៤ នាទីស្តីការក្រសួងបរិស្ថាន។ 

ជាមួយគ្នានេះដែរ ឯកឧត្តមរដ្ឋមន្រ្តីក្រសួងបរិស្ថាន ក៏បានថ្លែងអំណរគុណជូនចំពោះ ឯកឧត្តម ឯកអគ្គរាជទូតអេមីរ៉ាតអារ៉ាប់រួម ដែលបានរួមចំណែកក្នុងការដោះស្រាយបញ្ហាសកលជាមួយក្រសួងបរិស្ថាន និងបានជម្រាបជូនអំពីផែនការយុទ្ធសាស្រ្តនៃវិស័យបរិស្ថាន ដែលជាដំបូងកម្ពុជាទទួលបានជោគជ័យហើយ ក្នុងការកាត់បន្ថយការប្រើប្រាស់ថង់ប្លាស្ទិកជាង៣០លានថង់ក្នុង១ថ្ងៃ និងបន្តទៅពង្រីកវិលសាលភាពបៃតង តាមរយៈការដាំដើមឈើយ៉ាងតិចឱ្យបានជាង១លានដើមក្នុង១ឆ្នាំ ឆ្លើយតបនឹងការប្រែប្រួលអាកាសធាតុ ដើម្បីកម្ពុជាឈានឆ្ពោះទៅសម្រេចបាន គម្របព្រៃឈើជាង ៦០% និងក្លាយជាប្រទេសអាព្យាក្រឹតកាបូន នៅឆ្នាំ២០៥០។

ស្របតាមការថ្លែងឡើងរបស់ឯកឧត្តមរដ្ឋមន្រ្តីនេះ ឯកឧត្តមឯកអគ្គរាជទូតអេមីរ៉ាតអារ៉ាប់រួមប្រចាំកម្ពុជា បានសម្តែងនូវការកោតសរសើរ និងជំនឿយ៉ាងមុតមាំថា ក្រសួងបរិស្ថានប្រាកដជាសម្រេចបានទៅតាមយុទ្ធសាស្រ្តរបស់ខ្លួន ហើយនឹងបានរួមចំណែកក្នុងការដោះស្រាយបញ្ហាប្រែប្រួលអាកាសធាតុ ដែលជាបញ្ហាសកលជាមួយនឹងអេមីរ៉ាតអារ៉ាប់រួមដែរ។

(សូមអានបន្ត)

ឯកឧត្តមបណ្ឌិត អ៊ាង សុផល្លែត៖ យុទ្ធនាការ «កម្ពុជាស្អាត ខ្មែរធ្វើបាន» ដាក់ចេញបន្ទាប់ពីកម្ពុជាយើងបានទប់ស្កាត់ ការពារការប្រើប្រាស់ និងបោះចោលថង់ប្លាស្ទិកបានច្រើនជាងការបោះចោល ទៅក្នុងទីសាធារណៈ ទទួលបានជោគជ័យរួចមកហើយ

 

ក្រសួងបរិស្ថាន ប្រកាសបើកយុទ្ធនាការ «កម្ពុជាស្អាត ខ្មែរធ្វើបាន» ចាប់ពីថ្ងៃទី១៥ ខែឧសភា ឆ្នាំ២០២៤ នេះតទៅ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា យុទ្ធនាការ «កម្ពុជាស្អាត ខ្មែរធ្វើបាន» នេះ បានបង្ហាញយ៉ាងច្បាស់ពីការតាំងចិត្តចូលរួមពីខ្មែរទូទាំងប្រទេស បន្ទាប់ពីកម្ពុជាយើងបានចូលរួមទប់ស្កាត់ ការពារការប្រើប្រាស់ និងបោះចោលថង់ប្លាស្ទិក បានច្រើនជាងការបោះចោលទៅក្នុងទីសាធារណៈ ទទួលបានជោគជ័យរួចហើយ។ ជោគជ័យដែលទទួលបាននោះគឺយុទ្ធនាការបន្តថ្មីមួយទៀតនេះ បានដើរទន្ទឹមគ្នាជាមួយយុទ្ធនាការ « ថ្ងៃនេះ ខ្ញុំមិនប្រើថង់ប្លាស្ទិកទេ» ដែលត្រូវបានដាក់ចេញកាលពីថ្ងៃទី១ ខែកញ្ញា ឆ្នាំ២០២៣ ហើយដែលរហូតដល់ពេលនេះ មានការចូលរួមពីសំណាក់សិស្សានុសិស្ស និងប្រជាជនចំនួនជាង ៨លាន នាក់នៅទូទាំងប្រទេសកម្ពុជា។ ឯកឧត្តមរដ្ឋមន្រ្តីក្រសួងបរិស្ថានបានបញ្ជាក់ដូចនេះបន្ថែម។

សូមបញ្ជាក់ថា យុទ្ធនាការ «កម្ពុជាស្អាត ខ្មែរធ្វើបាន» គឺជាយុទ្ធនាការសុំឱ្យសិស្សានុសិស្ស បងប្អូនប្រជាពលរដ្ឋមួយភូមិ ឬមួយឃុំ ឬមួយស្រុក ឬមួយខេត្ត ចេញមកទាំងអស់គ្នារើសសំរាមជុំវិញបរិវេណផ្ទះ សាលារៀន វត្តអារាម និងតាមទីសាធារណៈ ចំនួន១៥នាទី រៀងរាល់ថ្ងៃសៅរ៍ ដោយប្រមូលទុកដាក់សំរាមឱ្យបានត្រឹមត្រូវ។

ឯកឧត្តមបណ្ឌិត អ៊ាង សុផល្លែតបានថ្លែងថា ភាពស្អាត និងសុខភាពប្រជាពលរដ្ឋជាការងារអាទិភាព ដែលរាជរដ្ឋាភិបាលកម្ពុជា នៅក្នុងអាណត្តិទី៧ បាននឹងកំពុងយកចិត្តទុកដាក់។ ការសម្អាតអនាម័យបរិស្ថាននៅតាមមូលដ្ឋាន ប្រមូលទុកដាក់សំរាម រួមទាំងការកាត់បន្ថយសំណល់ប្លាស្ទិក ដែលឈានទៅបញ្ឈប់ការប្រើប្រាស់ប្លាស្ទិក ក្នុងចំណោមយុវជនជំនាន់ក្រោយ ធានាការគ្រប់គ្រងសំរាម ថែរក្សាអនាម័យបរិស្ថាន និង សុខុមាលភាពប្រជាពលរដ្ឋ បានល្អប្រសើរ ស្របនឹងភាពស្អាត ដែលជាមុំយុទ្ធសាស្រ្តអាទិភាពទី១ ចែងក្នុងយុទ្ធសាស្រ្តចក្រាវិស័យបរិស្ថាន៕

(សូមអានបន្ត)

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងជាសមាជិកគណៈអចិន្រ្តៃយ៍គណៈកម្មាធិការកណ្តាល អនុប្រធានទី១ នៃគណៈអចិន្រ្តៃយ៍ក្រុមការងារគណបក្ស ចុះមូលដ្ឋានខេត្តកណ្តាល

 នៅទីស្នាក់ការគណបក្សប្រជាជនកម្ពុជាខេត្ត នាព្រឹកថ្ងៃទី១១ ខែឧសភា ឆ្នាំ២០២៤ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងជាសមាជិកគណៈអចិន្រ្តៃយ៍គណៈកម្មាធិការកណ្តាល អនុប្រធានទី១ នៃគណៈអចិន្រ្តៃយ៍ក្រុមការងារគណបក្ស ចុះមូលដ្ឋានខេត្តកណ្តាល បានអញ្ជើញចូលរួមក្នុងពិធីសំណេះសំណាលជាមួយសមាជិកក្រុមប្រឹក្សាឃុំ-សង្កាត់ ក្នុងមុខតំណែងរបស់គណបក្សប្រជាជនកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន សមាជិកគណៈអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តកណ្តាល។

គួរជម្រាបជូនដែរថា ការបោះឆ្នោតជ្រើសរើសក្រុមប្រឹក្សាខេត្ត ក្រុមប្រឹក្សាក្រុង/ស្រុក អាណត្តិទី៤ ឆ្នាំ២០២៤ នឹងប្រព្រឹត្តទៅនៅថ្ងៃអាទិត្យ ទី២៦ ខែឧសភា ឆ្នាំ២០២៤ ខាងមុខនេះ ។

(សូមអានបន្ត)

ឯកឧត្តម នេត្រ ភក្ត្រា សមាជិកគណៈកម្មាធិកាកណ្តាលគណបក្សប្រជាជនកម្ពុជា និងប្រធានក្រុមការងារគណបក្សចុះមូលដ្ឋានខេត្តក្រចេះ

  

អញ្ជើញជាអធិបតីក្នុងពិធីសំណេះសំណាលជាមួយសមាជិក សមាជិកាក្រុមប្រឹក្សាឃុំ សង្កាត់នៃខេត្តក្រចេះដែលជាអង្គបោះឆ្នោតជ្រើសរើសក្រុមប្រឹក្សា ខេត្ត ក្រុង ស្រុកអាណត្តិទី៤ ឆ្នាំ២០២៤ របស់គណបក្សប្រជាជនកម្ពុជា នារសៀលថ្ងៃទី១១ ខែឧសភា ឆ្នាំ២០២៤ នៅសាលមហោស្រពខេត្តក្រចេះ។

រូបថត៖ ខឹម សុវណ្ណារ៉ា

(សូមអានបន្ត)