សមាគមរាជសីហ៍សាខាខេត្តសៀមរាប នាំយកអំណោយជូនដល់គ្រួសារប្រជាពលរដ្ឋដែលមានជីវភាពខ្វះខាត នៅភូមិគោកត្រាច​ ឃុំខ្នាត​ ស្រុកពួក​ ខេត្តសៀមរាប

 

នាថ្ងៃទី០៦ ខែកុម្ភៈ ឆ្នាំ ២០២៤លោក ទ្រឿង សំរិទ្ធ អគ្គលេខាធិការរង និងជាប្រធានសមាគមរាជសីហ៍សាខាខេត្តសៀមរាប ព្រមទាំងសហការី បានចុះសួរសុខទុក្ខ និងនាំយកអំណោយជូនដល់គ្រួសារលោកតា ប៉ាន់ តាន់ អាយុ៨៣ឆ្នាំ ដែលមានចៅប្រុសម្នាក់ អាយុ១៣ឆ្នាំ រៀនថ្នាក់ទី៧ និងចៅស្រីម្នាក់ អាយុ១២ឆ្នាំ រៀនថ្នាក់ទី៦ ក្នុងបន្ទុក និងមានជីវភាពខ្វះខាត រស់នៅភូមិគោកត្រាច​ ឃុំខ្នាត​ ស្រុកពួក​ ខេត្តសៀមរាប។

អំណោយមានដូចជា៖
-កង់ ចំនួន០២គ្រឿង
-សម្ភារសិក្សា៖ កាបូប សៀវភៅ ប៊ិច សម្លៀកបំពាក់សិស្ស
-សម្ភារប្រើប្រាស់ប្រចាំថ្ងៃ និងថ្នាំសង្កូវ
- ថវិកាមួយចំនួន។

ក្រុមគ្រួសារលោកតា និងចៅៗ សូមថ្លែងអំណរគុណយ៉ាងជ្រាលជ្រៅចំពោះសមាគមរាជសីហ៍ ដែលបានជួយសម្រួលទុក្ខលំបាករបស់ប្រជាពលរដ្ឋ និងជួយដល់ការងារសង្គមដោយមិនរើសអើង។ សូមជូនពរថ្នាក់ដឹកនាំ និងសមាជិក សមាជិកា សមាគមរាជសីហ៍ទាំងអស់មានសុខភាពល្អ ទទួលបានជោគជ័យគ្រប់ភារកិច្ច ដើម្បីបន្តសកម្មភាពមនុស្សធម៌ និងសប្បុរសធម៌ក្នុងសង្គម។